எல்லோரும் அணிந்திருந்தார்கள்
துக்கத்தின் மொத்த அடையாளமாய்
சின்ன துண்டு கருப்பு துணியை
சட்டையில் குத்தியிருந்தார்கள்
கருப்புதான் துக்கத்தின் அடையாளமாம்
வரும் தலைவனை எதிர்த்து
கோஷம் போட்டார்கள்
கருப்பு கொடி காட்டினார்கள்
கருப்புதான் எதிர்ப்பின் அடையாளமாம்
துக்கதிற்க்கும் சந்தோசமற்ற வாழ்வுக்கும்
கருப்புதான் குறியீடு
எதிர்ப்புக்கும் இணக்கமின்மைக்கும்
கருப்புதான் சித்தரிப்பு
அவன் திடமாயிருகின்றான்
உழைப்பாளியாயிருக்கின்றான்
நேசிக்க தெரிந்தவனாயிருக்கிறான்
அன்பானவனாயிருக்கிறான்
ஆனால் கருப்பாயிருக்கின்றான்
சமுதாயத்தில் கருப்பன்தான் கடைநிலை
அனைவருக்கும் கண்ணீரின் சுவையும்
இரத்ததின் நிறமும் ஒன்றுதான்
ஆனாலும் நிறங்களிலும்
கருப்புதான் நிராகரிப்படுகின்றது.
0 கருத்துகள்:
கருத்துரையிடுக